أسئلة وأجوبة من مواطن مصرى مطحون

يقال إن87%من الشعب المصرى ساخطون على الحكومة المصرية ... ما تعليقك ؟ــ ال 13% الباقيين معاهم جنسيات أخرى .
تقرير :45% من الشعب المصرى مصابون بمرض السكرما تعليقك ؟ــ آدى اللى خدناه من" الحلوانى " اللى بنى مصر .
ما أهم مظاهر الفهلوة عند المصريين ؟ــ انهم يشكون فى الشحات ولا يشكون فى النصاب .

ليه الحزب الوطنى بيعمل اعلانات لنفسه مع ان البلد كلها بتاعته ؟ــ زى ما شبكة الأوربت بتعمل اعلانات لنفسها على شاشة الأوربت .
ما الفرق الأهم بين مصر وأمريكا ؟ــ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .

ما أهم قاعدة موجودة فى مصر ؟ــ ان مفيش قاعدة لأى حاجةما وجه الشبه بين السد العالى وقانون الطوارىء ؟ــ الأثنان مصدر " للكهرباء!!!" .

لماذا يطلق المصريون على زوجاتهم لقب " الحكومة "؟ــ لصعوبة تغييرها مهما تسببت فى كوارث .

أين يمكنك أن تلاحظ سوء نية المصريين ؟ــ عندما يغنون للطفل البرىء بمنتهى الخبث قائلين .... يارب يا ربنا " تكبر وتبقى زينا .

ليه أكتر ناس بياخدوا مواقف معارضة جريئة هم الناس بتوع الغزل والنسيج ؟ــ علشان بيشتغلوا فى القطن , و " القطنة ما بتكدبش " زى ماقلت مدام نظيفة.

امتى بتحس ان البلد حلوة ؟ــ ما باحسش ان بلدنا حلوة غير لما داليدا تقول : " حلوة يا بلدى "(بغض النظر انها قالتها وانتحرت)

امتى هناكل جوافة من انتاج مزارع توشكى ؟ــ لما نلاقى المشمش!!!!!

ما العلاقة بين عصام الحضرى وسمن روابى ؟ــ الطعم فلاحى وتحدى .

هل لك أقارب استشهدوا فى الحرب ؟ــ لأ عندى أقارب استشهدوا فى السلام ..... " السلام 98" ..

ما الدليل على أن مصر بلد الامان ؟ــ الدليل ان الواحد بيتردد كتير قبل ما يدخل أى قسم شرطة .

ايه الكلمة اللى ما بتحبش تسمعها وانت فى أوضة العمليات ؟ــ يا خسارة .

ما الفرق بين الزوجة المصرية والزوجة اللبنانية ؟ــ 40 كيلو جرام على الأقل .

بماذا ستجيب كمصرى عند سؤالك عن عمرك فيما أفنيته بعد عمر طويل ؟ــ أفنيته فى اشارة قصر النيل مستنيها تفتح ، وفى صلاح سالم مستنيه يتحرك ، وعلى كوبرى أكتوبر مستنى لما رئيس الوزراء يروح .

لماذا يقال عن الشعب المصرى انه شعب فوضوى ؟ــ علشان بيكره " النظام"

[/size]

لماذا يطلق المصريون على زوجاتهم لقب " الحكومة "؟ــ لصعوبة تغييرها مهما تسببت فى كوارث

هههههههههههههههههههههههه حلوه اوى دى

تسلمى يادودو على الموضوع الجامد ده وردة لك

ههههههههههههه موضوع جميل جدا
تسلم ايدك يا دعاء

هههههههههههههههههههههههههههههههههه ايه الاجابات المقنعه دى تسلمى يا دودو نايس توبيك

السلام عليكم

ايمى ،عاشق الحور,سومه

تسلموا جميعا على مروركم

دمتم بخير

عجبا لشعب مصر
لست أدري كيف يمكن لإنسان أن يتشاءم أو يحزن أو يعترض في بلد مثل مصررئيسها مبارك
ورئيس حكومتها نظيف
ورئيس برلمانها سرور
ورئيس مجلس شورتها الشريف
ووزير داخليتها حبيب
ووزير ماليتها غالي
فهل توجد سلطة ، في أي دولة في العالم ، يجتمع فيها كل هذا
التفاؤل والحب والنظافة والشرف والبركة والسرور مثل مصر ؟؟؟؟؟؟

هههههههههههههههههههههههه

بشكرك على الاضافة

تسلم على المرور

هههههههههههههههههههههه
حلو اوى التوبيك دودو
وبجد يا مصطفى مافيش احسن من كده
ربنا يخليهم لمصر

تسلمى دعاء
تقبلى مرورى

شكرا روزا بس عرفتى اسمى منين

نايس توبك دعاء

لاجابات المواطن المطحون اللى بيعبر عن معظم الشعب

» أعرف شخصيتك بـ 6 أسئلة...