مراتك ولا شغلك

كل نساء العالم يتهمن أزواجهم

بأنهم بيحبو الشغل أكثر منهم

وأنا اصالة عن نفسي ونيابة عن الرجال أعترف بأن هذا صحيح ...........صحيح ...... صحيح ليه.....؟؟؟؟؟؟؟

لي أسبابي ومبرراتي التي أرجو منكم التفكير فيها بعين العقل:

أولا .........الشغل بيصرف عليّ .... بس أنا اللي أصرف عليها!!!

ثانيا.........في الشغل ممكن تزعق براحتك و زعيقك يجيب نتيجة...

مع مراتك صعب انك تزعق براحتك ومهما زعقت مش هيجيب نتيجة ...

ثالثا ........ممكن تزوغ من الشغل في أي وقت من غير ماحد ياخد باله أو حد من الزملاء يغطيك

أنما تزوغ من مراتك .. هيهات ..أنسى …..

رابعا ........في الشغل عندك مدير ممكن ترضيه لو اشتغلت كويس ....

إنما مراتك لو عملت قرد .. حمار .. أي حاجة مش ممكن ترضيها !!!

خامسا.......في الشغل من حقك تاخد أجازه...عندك عارض واعتيادي

دا غير يوم الجمعة....والعطلات الرسمية.....بصراحة الشغل خفيف ع القلب.....

أنما مع مراتك...مش ممكن تاخد أجازه......بالعكس دانت لازم تلزق فيها يوم إجازتك و إلا يبقى نهار اهلك مالوش ملامح......!!!!

سادسا ........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و مراسل......و سكرتيره خاصة …. والكل يضرب لك تعظيم سلام.... في ا لبيت ح تعيش زوج وتموت زوج....... واللقب الوحيد اللي ممكن تاخده لما تنادى عليك مراتك وتقولك..... يا بابا.......أو..... . .يا حاج.......... ولما تعجز... تقولك.....يا بركه

سابعا .......الشغل لو زهقت منه ممكن تسيبه بدون مشاكل..... وبسهوله .... أنما مع مراتك......لو روحك طلعت.....لازم تحط في بقك كوتش وتفكر مليون مره.....في المحاكم والمؤخر و النفقة.. والعيال

ثامنا ........ في الشغل....لو سبته ....أو بلغت سن المعاش بتاخد مكافأة كبيره....ومعاش...وحفله تكريم ....

أما مراتك لو سبتها قبل ما تموت... أنت اللي ح تدفع مكافأة ومؤخر ونفقه......وشقه كمان........ وتتحبس لو ما دفعتش

تاسعا.........ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها........

عاشرا......في الشغل....متأمن عليك عشان لو حصل لك حاجه...... ولو حصل لك حاجه.....مراتك هي اللي هاتقبض التأمين

في النهاية .... بتحب مين أكتر...مراتك ولا شغلك ؟؟

أكيد مراتك طبعا يعنى

السلام عليكم

مشكور اخى الفاضل بقايا قلب

على التوبك

وانا مقدرش احط حد فاصل بين الشغل و الزوجه

ولا المفاضله بينهم

فالشغل عمل خلقنا الله من اجله بجانب العباده

والزوجه سكن وموده ورحمة

فصعب اننا نختار

وان كنت مصمم على الاختيار فهو العمل

دومت بالف خير

ده ايه ده بقى يعنى
احنا كده هنتعبره اعلان حرب
هههههههههههههه
انا فى راى الشخصى ان ما ما ينفعش تقول ده او ده
لان الرجل محتاج للشغل علشان متطلبات معيشته وكيانه هو كمان
واكيد محتاج الزوجه تكون ليه السكن والطمانينه وتعوضه تعب الشغل
اعتقد مافيش مفاضله بينهم
شكرا بقايا قلب على الموضوع
دمت بكل خير

أشكركم على الرد دكتور مصطفى وروزا
وبعدين دا موضوع فوكاهى يا جماعة
وما تزعليش يا روزا بس دى الحقيقة بقى هانعمل اية

وان كنت مصمم على الاختيار فهو

ههههههههههههههههه

دى حرب فعلا

روزا مش لازم نسكت ابدااااا

اولا التوبيك فكاهى فعلا بقايا قلب بشكرك عليه

ثانيا انا كمان رأيى ان الرجل مايقدرش يستغنى عن الشغل ولا الزوجة

وماينفعش يختار مابينهم

فكلاهما له أهمية لدى الرجل

تقبل مرورى البسيط

أشكرك على مرورك استاذة دعاء
بس بدل ما تهاجمو على الفاضى شوفو التوبك وقولو كلمة حق
هتلاقو الحقيقة طالعة من عينكو لوحدها

هههههههههههههههههه ماشى بقايا قلب هو طبعا الطبيعى ان الاتنين مرتبطين ببعض يعنى الشغل ومراتك لكن انت طلبت كلمه حق فطبعا الحق بيقول مراتط اهم طبعا

هى ممكن تكون اهم لسبب بسيط ان شغلك ممكن بكل باحترام تقدم استقالتك ويتقبلوها وتروح حاجة احسن
بس يا ويلك لو فكرت تسيب مراتك
ويا سواد ليلك لوفكرت تروح لحاجة تانية